28000行人止步嗎？（2/10昨日已落袋）

其實等左好耐不過要我0.015買到又無可能，0.016想買時就升左上去0.02，下午已經有100%利潤，不過覺得係頂所以就坐過夜等運到，從勢永遠都舒服，早上1399復牌當然屎忽痕跟攞0.4，玩$2萬，0.52就送返比佢了做不到50%不過高位真係0.6，講乜原因？只係0.4口貨係街應該買唔到同咁多屍體，已由個大戶定價，算了落左袋就唔講太多了

思維係我嘅技術分析又係我嘅把握力又係我嘅

，人工兩萬2，買股票應該有能力卓卓有餘，所以刀仔係可以鋸大樹的，或者無人相信，只會繼續自己的路，講左我耐性好好的，所以機會到就會落注。錯了最多cutcutcut

期貨講左27877-27647係大戶嘅範圍，夜期又會比答案我坐得對或錯，當然控制權不在我手就交比個操縱者吧！
3/10/2018 恒指26840大戶一下閃殺350後就回馬，熊已落袋，暫時不能睇淡，牛又無水位買因為真空了350點得26800選擇，我去休息了。ps:66166 過夜嘅0.01仙牛輸清左我$3500。

應該要點寫好？

睇到2382可sc90 lp 84
又睇到2018可以sc85lp74
好鬼恐怖嘅下跌組合，寫出來模擬，
我講我好多期權期貨係無搞的，見牛熊開始有利潤，所以開始學LP/LC 呢種有權利無義務嘅操作，好多人講技術分析無用，而自己今次整個升浪嘅結餘係38000大元，本金升幅達600%，講鬼咩成日吹到自己幾賭得。不過我終於明白人地問我嘅問題你識唔識得贏？意思係贏唔贏到，咁我又識答我知自己輸乜，唔知大家知唔知輸乜？輸時間就肯定，不過有回報當然願意輸時間，由rf 到今天真正見到人地講到點點點，消失嘅消失，消失得兩種吧！唔會公開唔會有解釋，因為致富係找得到的。
亂寫玩。不要亂做S 系由係係無貨係身亂做SC 包你可以冚家產。講完。祝大家中秋節快樂

神級操作真的有嗎？不知，有答案終於斷了。

答案出來輸左0.019止左

已坐左半小時，又係隨時止血，總之我係排買的熊，又睇下幾輸幾多，隨時止血止賺唔好跟。

其實一路走到今日，確實得來不易的技巧。
唔多想講出點做，總之好多人係做唔到100%以上的升幅，而一而再地展現出乜叫部署乜叫操作乜叫耐性乜叫買賣。
人好得意的，原來分不出真的假的，當然會思考後往往就會一再重複的事就會發生，如何避免呢？就係停止種種行為。唔係我扮高人，係好多高人教我要尊重人，要謙卑，要相信，要明辨是非，其實幾小學雞吧！寫左咁多離題的東西，睇嘅唔明，寫嘅只想講好多人只想抄襲複製同輕鬆去得到一個層次，呢個層次當你發現後，其實好無聊，就會周圍去睇下人格，人品呀，想了解更多更多，如果講一個市場打滾嘅人，我明白了點解會學游泳，去比賽，成為教練，再建立一個團隊，維持名聲，保持質素，建立品牌，就會成就一個強大的循環系統，生生不息咁流水作業，都係好悶了無新意。
人生要點才有意義？總之係自己能力範圍揾到食提點到人自然有意義吧！
講重點，曾經係皮老闆群寫左點東西，無錢要發達嘅人必須要學會揾錢，係揾錢過程不能借錢，只能夠儲，本金小無所謂因為錢小輸左當交學費，學下學下自然明白點解要犯錯，當你乜鳩都未識就借錢去投資咁叫乜？扮勁囉！
如果無借儲到大本時又或者到退休有筆錢時？危險嗎？
其實回顧自己以前嘅on9 想發達又不學無術，只係好彩早輸遲醒，而35歲才有點財富。

山竹快點離開吧！

因為皮老闆話捐錢可入群，個人就選擇了不達條件性的捐款，似做錯邊的大戶買保險咁，錢小小希望可以平安過渡，祝大家平安大吉。

恒指2個裂口就27350（已袋袋平安）

講期貨大戶由26020坐上來27350，係唔係真係有能力升呢？星期五就收市係買左隻熊過夜，預全輸清的，下星期開市才係新文顯示買單，5千幾，輸清都係5千幾，贏到應該有唔一萬吧！值搏就不值搏因為今次係賭佢托沽現貨。星期一打風開唔到市，咁買熊都幾搞笑，因為生捉牛肉。

時間錯左足足45分鐘因為買完跌過去0.012

可以咁講0.014係足夠時間你買到。點解又唔止血呢？講得出的原因太多，重點買時已經下定必輸的決心去過夜，咁點解要到1540才寫文，因為覺得恒指呢兩個裂口係派貨，所以等左成個早上，加上自己見到點解盤整左接近5小時，要攻點會企定係度呢？另外向上攻的陰陽燭5分鐘除左頭幾支長長地，其他全短，意思係一步一驚心地睇下好友淡友嘅盤整，講都係廢話，等山足過左開市後就有答案，夜期收0100都會知知地的。

當發現牛熊的靈活性同不公平嘅地方，都係要想清楚是否要改變了，牛熊難度係要睇中方向，而收市後並不能買賣，好處只有有幾多賭幾多，最多輸清，由大戶幫你強行平倉。

今次能坐中只係因為有筆錄協助，因為我真係預輸清才買入，所以由得大戶給我答案。

恒指2018年暫時最低收市位26345

其實要點睇個市跌講跌25700會見不過快定慢就真係唔清楚，如果有抄期貨數字最低係26020無人買到的，不過昨日就收263410，足足反彈320點，再講見到變化好應該鳩衝，因為自己唔敢做所以講乜都無用，心係想佢整破26020向下，不過今早夜期夾上26725收市，好友反攻定係有伏味？

寫兩點酒田小時燭叫破檔上跳，好小會回檔，而今日一整日嘅大戶佈局會係個小時圖橫區上落，所以真係要睇清楚會否高開低收的，原因係夜期做到個指數係邊個位開，而高開好多股票嘅價格會係裂口上開價，兩個講法大戶要夠貨唔比散戶有買入的機會去開車，相反因為走貨所以高開再派落，因為行小時可以講1200前都係窄幅上落，小心點其實相裝呢次反彈令強積金有一轉升勢，強積金好煩的個價要2日先知，而反彈點確實而27900的，因為要等週燭，淨兩日都係等，以恒指期貨圖講5連陰，以恒指講6連陰，而歷史只有9連陰，今日等收市就失係7連定轉勢了。我死都唔會信無人操縱個市，不過夜期真係夠精彩咁樣令到恒指高開，跌完係要升，升完再跌過，掌握唔到唯有旁觀。如果玩期貨相對公平一點，自己心血小，免了。其實技術指標真係幫到手的，消息市真係呢！今次玩爆個市場是誰呢？又要時間等答案。

將會發生或會發生未必發生的恒指判斷

保力加嘅作用？請思考，今週將會係恒指的關鍵週，其實做乜都好必定要有方案預期。
見70兄改名左叫Plankton皮老闆，咁又亂寫下觀感先， 字面解讀似其作風plan因為一路都好有計劃去唔撈，另外海洋好大全部都係由浮游生物所變出來，例子有青口飽魚蝦蟹龍蝦尤魚，變乜都係可以有價值，總結每個名都似有一種提示性，皮老闆，只有老闆才可以成就財富，再講皮呢樣嘅價值又真係好珍貴，人要面樹要皮無皮無面，皮嘅價值拉皮護理動物等等無野唔需要皮，又講廢話了。
人生真係估估下就可以嗎？好多野都可以用數據解釋到，而數據又可以用圖象顯示，總之有人解讀和學習得到的，不過以街市來講就係好適合用來解釋乜叫去貨乜叫靚貨乜叫生意。
時空判斷？還原基本部學陰陽燭酒田戰法一個幾特別嘅圖形辨別，跟住就從勢坐或避，兩個交易高手酒田同江恩，學左學到唔用無壞，最衰係半桶水就去市場吸取教訓。
自己嘅重要規則
1.永不能借錢買賣（所以我無參與過期貨）
2.本金太重要，錯方向必定要停止
3.耐性地觀察變化靜待機會出手，有機會輸都不會出手

雪球好多舊文都顯示到我好有耐性去等的，記錄無得改的，改的係修正自己過去嘅錯。
對自己寫左咁多嘅判斷文，方法一再顯示左，慢慢做係好過唔做，因為投資係馬拉松贏頭可以輸尾，但有齊必須要的情商就可以笑到最後吧！
總之了解前因得結果，未來嘅果亦係今天嘅因，從因判斷吧！

恒指如何得亂估低位彈位？

標題係引人睇，不過不講如何計算，暫時會以25700作一個考慮搏彈的入點，好無聊的亂估，恒指曾經有單月升2500點，咁自然有單月跌2500點的可能，現在已跌左一半，睇下會不會多一半來個對子。發現好似多左人留意我，亦有人話我串，好似高高在上😂點解要咁？又無收費又無出書又無人肯捐錢，咁我應該有選擇權回不回，同講出一些似唔似嘅技術。
不過可以講主修心理學行為學嘅人應該對投資好有用。時間係投資最好嘅朋友，但係人類的敵人，因為生命會隨時間完結，所以心理會有點不平衡的，
要點做才可以送自己上一個位置？
無錢的人有時間，越有錢的人越想買時間所以就會私人乜乜乜乜，時間如何幫助一個無錢的人呢？係要去學習知識，增長思維，懂得分析判斷，但係又要提升能力又要有錢淨才可以錢去自己生錢。市場上好聽叫投資唔好聽就係集體做市，越早參與越好，總之學好就不需要似我咁用十五年時間才叫小小的財務自由。
當然要我講出寶貴的教訓已經不想了，留比自己的孩子亦都對得住個市場。乜叫投資？留待你們發現吧。得閒又亂寫。

反彈市完了可以休息了

原來從勢投注係最舒服的，以為反彈無咁快完，點知昨日就一跟咁向下派連基金都有出貨，點解咁講？原因可來？指數股票嘅成交額量變化，其實就知有無人埋班的，講到自己好似好勁，無實貨得把口旁觀點會唔勁丫，睇係唔洗輸的。

自莊尼一見後就更加肯定止血同耐性係必要強制執行，股票唔會下下有機會要等，恒指期貨上落1000點以上好誇會輸突，始終都係一句，頂唔順嘅感覺好多人都有的，因為自己怕控制唔到所以100%不玩期貨，牛熊你無借錢玩，贏輸頂多係份糧，但食中方向嘅回報係可以100-300%計的，呢種才叫值搏率，股票已經無回報，又唔會沽空巨，唯有恒指處玩上落。

廢話唔講咁多

如果話技術分析無用，請不要看。

令外如果想知點解，首先你要唔用錢做任何買賣，

跟住就去睇期貨圖，記得拆曬所有時間去睇的。

圖得左邊，右邊會隨時間出現，結果係人為的，咁你估到十次準，一路咁估估中嘅越多，咁就會係判斷股票上有幫助。講出來唔係有用的，市場上係輸比情緒，自我控制能力，要贏到錢係要係個安全位落注，再靠前景，利潤，派息嘅維持增長，才會有免費股係身，算了。總之熊市就有超平貨，要買嘅股一定係係觀察表入面睇變化的，強積金唔會再多手換出來衝，實有機會的到時才發文。

顯示今日的操作，下午能彈就贏大，隨時平手收手。

 每有大利潤時就會轉出去另一個戶口，無心叫人投機賭錢，每每的死牛死熊才威力以小搏大，
唔識落袋唔肯止血就唔好玩，有無技術分析？如果無咁就無，人生學左好多，目標一定要揾到似27嘅股票。可以模擬請勿胡亂買賣，點解呢？解到就做。

刀仔操作，今次隻牛又變到幾多。

只供參考，請勿胡亂買賣，講清楚一點我只係賭熊仔利潤，本已袋袋平安，最多輸清大利。

個人算係有咁嘅能力，錯就止血係咁簡單
，其實係雪球個度已經一再顯示自己對市場的理解
的，財技，技術分析，到牛熊，每樣東西都可以解釋的，如果解釋唔到點解又會存在係個市場呢？
我呃人？或者是，講過學江欣酒田就明乜叫捉路，兩本書的作者都係賭到出書而名留世上，咁唔通本書係呃人嗎？以前有人同我講唔會用，而我就成日講唔識用同不會用係兩樣野，呃人呢句重好笑呢！
其實講乜都好重點你識就做，唔識就學，可以點學？無人教就模擬估，模擬估係100%不會輸錢的，練習得多白痴都識小小吧！莊尼講過本酒田戰法佢睇左5次，咁我又講下江恩1945我就睇第4次。睇左就識世上無人上進了，總之今次隻牛睇下又變到幾多錢。

2018年9月1日以Cutter 個網名參加是次聚會

未經他人同意相片處理過。
昨晚要遲到本來1930開始，個人要老婆交接孩子而遲到左15分鐘。
先講下係乜人物先，中間嘅係炒房人物，另一個就係持有多個物業的會計師，兩個財富比我多好多的前輩，勢利嘅我當然會出現啦！自有家庭後已無乜外出社交，就算雪球友話請我食飯我都推辭的。
雪球莊尼當然係超級偶像而我咁多年嘅超厚面皮就成為到佢徒弟。以前一次又一次解題，離開雪球前留了自己的聯絡給他，昨日終於得到真正認識的機會了，確實係一個有深度的人物。而會計師係第二次見面，個次只係雪球講屯門酒店有活動有免費飛適合小朋友玩咁就識左，當然我唔知佢係會計師同埋佢原來有好多物業，介紹完！
自己會自發係市場去找問題的，當然有答案都係因為一句，市場只會懲罰看錯方向的人，而股票市場嘅方向變化真係可快可慢，而整班人只係一群人去搞另一群人，唔講明了，所有野只有從勢吧！
昨晚一傾當然係互交心得，講樓市只有簡單幾夠睇新聞劈價無乜人買新樓，就可以知太貴滯銷，當價格下跌時就有人坐艇，有人坐艇你咁早進場只係做儍仔吧！升你唔追又儍，跌追入又儍，點先唔儍呢？我覺得等多3個月就會等多半年等多年幾，到時買入價應該可以有20%折扣吧！
聚會係堅韓牛730入席930完但坐到11:45分，整晚係我修正好多漏洞嘅時間，學左見到儍佬斬人要點做，又明左一點點股票期權操作原來可以幫到持實股坐左艇的人，自己當然講對江恩同酒田嘅理解，師父講話唔可以咁用，用法點轉角其實係耐性靜待機會等動點，另外當然會加自己對市嘅想法，當有人嘗試公開一個号碼，點解要升比你賺？點解要跌到你入肉？想通了後已經好小講股票号碼值唔值得買入攞錢，咁多年見過好多大V 分享從而有一大群人嘗試去打却莊家，結果呢？1132/602/2340/558/6816/700/2382/1211等等
總之人家成為風雲人物後唔一定多產多贏的，言行會拉動無知者，所以我不再亂講了，總之你想係市場上贏錢係一定要知個市場做乜，耐性重要嗎？
講番昨晚交流過情係無号碼的，淨係對策點樣做點解咁做，應該點做，我可以肯定重有好多高人的，一個一個願意對自己開金口或許係自己嘅分享引來憐愛或大愛，識英雄重英雄，人生肯行肯修正就可以向上流，當能夠走過貪婪恐懼無知自責自醒，咁想信你就會超越從前嘅自己走係我前面了。
自己唔會收錢同免費教人，分享所有文章只係一個記錄，在我而言係無價的。依然首推70兄80後女主人，超值得學習的我可以唔撈嗎。

或會發生的概率？

如果確認係熊市好應該參考過去歷史嘅資源
其實想講崩盤容易過爬波式上升的，用最近的1132慘天加和講，一個消息市場的不信任就可以踩到地底，再講602又係一個錢出關問題要處理導致兩大高手的追隨者食息望家鄉。無任何保護思維最好不要參與市場，如果27係0.4坐到82，到今日基本係唔會理隻股票，同樣樓你係100萬買，到今日你會恐懼消失的升幅而急於售出嗎？一個人的能力唔係講錢的，財富個堆野有上有落才會令思維 混亂，書本上的前人經驗你運用得到錢會自然地留得住重可能有增長。
以下資料想帶出08年後未出現單日跌幅超過10%
當然2018/2/7出現2千點跌，可惜當時3萬2點
如果熊三出現今次應該有可能出現2500點的跌幅，當然係25000點才出現的機會比較大。強積金我輸左三萬，不過今次隻熊仔應該直接攞返。
令外我係好小亂出手的人，亦帶唔到人，眼見的
機會唔係唔想張揚，唔係自己嘅操作，比你贏十次輸一次已經可以重傷退場，正如戰場上你有幾可見到三英戰呂布呢？思維係咁有用就攞，無用請以後不用來睇文。




　恆指十大單日百分比升跌幅：
　　　日期　　　　　跌幅（％）　　
２９╱１０╱９７　　１８﹒８　　
２６╱１０╱８７　　３３﹒３　　　
０９╱０２╱７３　　１４﹒４　　
０５╱０６╱８９　　２１﹒８　　　
２８╱１０╱０８　　１４﹒４　　
２８╱１０╱９７　　１３﹒７　　　
０２╱０２╱９８　　１４﹒３　　
２６╱０３╱７３　　１３﹒３　　　
２７╱１１╱７４　　１３﹒４　　
２７╱１０╱０８　　１２﹒７　　　
１１╱０４╱７３　　１３﹒２　　
１０╱０４╱７３　　１１﹒５　　　
０２╱０２╱７３　　１３﹒２　　
１３╱１１╱７２　　１１﹒４　　　
３０╱１０╱０８　　１２﹒８　　
１９╱１０╱８７　　１１﹒１　　　
２７╱０１╱７５　　１２﹒４　　
２２╱０５╱８９　　１０﹒８　　　
１８╱０７╱７３　　１１﹒７　　
２３╱１０╱９７　　１０﹒４　　

十、 最大單日點數跌幅

　　以點數計歷來單日最大跌幅則是前文提及過的2008年1月22日，當日暴跌2061.2點，收市報21757.63點，跌幅達8.65%。當時美國次按風暴無法受控，引發的全球股災，恆指盤中曾一度下跌2109.23點。正如之前講到，雖該日創下歷史最大單日點數收市跌幅，翌日卻以歷史最大單日點數收市升幅的姿態出現，證明股市有危必有機，看你能否好好把握。


2018年2月7日
港股急瀉1649點歷來第二大跌

2015年7月8日
中港股市冧市。昨晚夜期曾跌超過800點，恒指低開564點後跌幅擴大。A股繼續失守，中央救市失敗，滬綜指跌6%報收；投資者湧向沽港股套現，恒指曾插2,138點，是歷來最大點數跌幅，2萬3關一度失守，低見22,836點，高位累瀉2成，技術性陷入熊市。

尾市有買盤低吸，恒指跌幅顯著收窄，並收復23,000點大關，收市報23,516點，跌1,458點或5.84%。
以上只係想判斷個市場想點，升睇升，跌睇跌，如何可以走入大隊大方向係好應該想想。交易寶其實有數可找到，只係自己未得閒開住部腦慢慢睇，
發文講過機會把握力，你地為乜買入股票呢？想想吧！