機會話來就來嗎？本金8千3，暫時變出3萬

離場觀望。

講過會睇三飛烏鴉過夜係必要的，唔知有無人係28400買貨，祝個班人好運，星期一先算。

更舊下答案，好多人話陰陽燭無用，指標無用，咁唯有加經驗修正囉，十賭九騙，投資叫錢揾錢？唔好呃我啦！點解有上落我都想知？應該係有人買賣吧！收市前再判斷，先行袋袋平安。投乜都好做自己適合的，唔識唔好話呃人，我好多野會旁觀的。

懶寫原因又忙走來走去，有個叫威廉指標，到0會落100，係保頂熊可能安全的，只輸開口向上，大家可以睇下3分鐘圖似恒指日圖嗎？

今次會過夜，又睇下8千幾贏到幾多先。重有一圖後加。好喜歡用技術去評市，總之投機人生需要有本。

整篇文無任何建議的，睇書學習，滿師出手，唔知唔買，你可以點做呢？我只做自己明白的，唔明要學的。感恩自己所有的經歷。

最近睇劉競濤的著作

雪球高手如雲，自己就2014年6月18日死入去寫文，從亂文中得到回應去修正自己的分析思維選股技巧，而真正令我成為高手的人只有莊尼一個，重點係巨無收過我一分一毫，其實用反問一招足夠令好多人當師父。不過莊尼係真材實料的，一路追睇佢嘅啟發文，一路都係等價交換，只要從問題中答中莊尼自然有答案，其實算係引導思考。因為要變

強嘛。好了廢話又多左，莊尼師父叫我去睇個本酒田戰法，咁當然睇完再睇左幾次。而呢本書會4日內睇完，google 下有免費pdf 版，當然最好買正版書收藏。自己的確睇左超級多投資書的，其實要發達嘅責任落唔到係他人手上的，付出時間睇書學習，學習過程中觀察搜查耐性等待，市場上好多事只係一再重複的。正如我放左20年時間去從學游水到做救生員到成為教練係康文署泳班教過千幾人以上嘅數據，自然成為個人嘅能力。股市只有上升才會有獲利機會，有機會才引到人買，耐性等答案，一星期前52週低位創造左，26700希望唔好再見到，我當然想個市死落22000點，乜都唔做睇好睇書好過。

等你地自己找呢本書，都係劉競濤的書。

自己近排已小左係睇雪球，戒除毒癮成功吧！

曾經有人發篇存左感的文，我係雪球感受太多，係市場應該要點做？人大了真的知到知識就係力量，無錢就去圖書館借，去書局打書釘，google都找好多書嘅pdf 版的，請勿以為擁有大本才可以戰勝市場向上流的，”累”“積”繼續向上走。

內地旅遊

量力而為同埋部署人生應該係一個40歲人要做的事，恒指呢一次保本可唔可以話錯？得返60萬，其實保力加底部係一個幾好買貨的位，只係自己錯在第一個底29400，跟手就27800,，再落26700,因為65歲嘅事好應該做好才是，用保力加頂部睇29062可以見到吧！所以坐同唔坐取決判斷，總之唔入市乜都唔搞，一衆達友最近如何呢？技術同錢係身就應該好好等到絕街的時間，可惜無人知，所以我選擇左休息，得返60萬要點做？
樓市估值最近又估高左，未落袋都叫幻想，資產有1千零60萬了，只有感恩一子一女各有著落，做自己明白的就夠了

談談持股1560

首先講清楚本人持有星星，分析未別中肯亦不構成推薦買賣
唔知有幾多人持有星星，亦唔知有幾多人了解公司運作，對陳文輝呢個人有無寄語厚望。
竟然有中期息派令一衆股東喜出望外，星星2018中期業績

有一項待售物業價值23億，咁整間星星總共有幾多資產，同埋又有幾多人肯去起佢個底（實地了解）。最近又買左1.8億野整層算係合理價。

其實能夠了解整份年報的人不多，持有星星可能係發夢，呢個由陳文輝送嘅夢，收3次息，比左1次錢供股，就快3年了跟你十年吧。

圖會睇到被一個框圈住上市低點係0.615，今次低點0.74正正係個框嘅底部，正常會企上黑色線會受制綠色線，今日應該有不錯升幅。當然跌出個框就會向0.615個橫應作支持參考。其實想講乜？56萬股星星總投注52萬，收左8.8萬息，收埋今次息每股成本價0.77，其實坐坐下已經無乜感覺了，雪球有一個叫MT 嘅人物，又係有技術但心態有點問題，佢無貨對星星嘅評價係超級負面的，唔知以為陳文輝係佢殺夫仇人，市場上真係乜人都有。

星星唔希望有人胡亂買入，亦唔希望散戶亂買有希望有期望的股票，最無恥的手法就係熊三無人買時才出手，另外雪球上有一個叫金銅子同大叔嘅人物，所選擇嘅悶股好值得回看的。講住咁多。

強積金全數保本

今早1030分已全數轉回保本，無得認叻，59萬上到63萬，現在得61萬左右，要加兩個月供款，平手離場亦係個人對本金的保護，一個錯誤做錯了不能延續地錯，個人已係雪球交代清楚。我要輸錢的，如果因為我的文章而作出判斷的請今後學會自己分析自己下決定，因為輸了就係輸了無得懶的，此係雪球最後一篇文章。只會回應雪球舊文。看見後果自負的人生，更加使我明白老父一句言多必失，或許是老人家唔多開口的原因，我會繼續係個人的網誌延續自己的故事，輸唔起請踏實地工作提升個人能力，好多人從來無參與股票市場的，亦要明白比一個紅褲仔夠市場坐擁一定資產係時機同把握力，再次向跟錯的人致歉，你地學識了點輸自己可以贏到最後。

小女生日恒指快落

今日係好日子，小女生日，恒生指數竟然係快落，你的日子如何，你的能力也如何，走到今天可以養得起頭家，亂寫下文章，回頭看只要肯行不會有今天，無熊市無卡達，無熊市我呢d普通人無能為力坐擁一定財富。
好多東西會送你上高位的，如果你心雄了就係必敗嘅開始，40歲人才知80歲閱歷嘅寶貴，依然一句我行過4牛4熊，要比人屌比人講，贏輸重要嗎？你一日參與得市場就要有心理準備。
好多歷史價格出現會後的熊市並不可怕，但成為歷史價位的股票要經多小時間才再遇見？無知不可怕，卡達就係講人話，卡爸講過做人要似人做鬼要似鬼，無野好怕的。親身感受過就知點解會有個儍佬講過去，機會留比有準備的你，好早講過無承接的市場就係咁，$420買700可以點？你有能力就有價值，笑人山頂位買野？好多人可以十幾萬買個袋啦，有能力有乜好笑。而卡達係一個小人，買嘅樓同股票選擇在低低位，鬼唔知我呀媽係女人。跌到53萬嘅強積金我都唔叫輸，因為升左80%，樓就算見200萬我都重有贏50%，總之得把口無助財務自由，自由嘅定義個個不同，香港有個52歲大學學歷寫左露宿人生blog，人生要如何？跟本就好睇機遇把握力，無如果的請繼續向前行。

居安思危要靠估定靠數據？

好幾個人都知我轉錯強積金去恒指基金，27.85/28.25，咁恒指已觸及27578左右，52週低點已上升至26863，只差2個月低點就係27600，會再創今年新低的機會好大。而8月份高位能否突破就要睇中國對貿易戰係唔係打到底了。只有美國出招，中國今次叫認真起來，亦會提高美國嘅市場風險，杜指高位對比中國嘅低點，可以講美國風險已大到衰竭程度，因為谷死個市等於全民陪葬。
咁我又想講乜？香港已有1萬億儲備，而呢個數係真實的，以恒指28000好多人已感到要爆落25000或者更低。
個人只能講邊行邊睇且戰且退，回看熊一可能係33484落29000,咁熊二就係31900落27600暫時，而熊二彈點可能29000 就無了 。數字上熊一波幅3千5點，熊二2波幅已達4千點，再估熊3個高點落底就會有4千點跌，代表29000如果係高點咁就要見25000，雖然係亂咁估，而市場上好多人已一面倒向淡，個人依然覺得無咁易估中開上開落，中國點都攬低個杜指吧！
篇文有點亂：依然睇有個似樣的反彈去3萬點才落到2萬5吧!

更新

3333圖表唔知有無領前作用,恒指圖肯跟足macd同做支長陽燭嘅話可以見3萬點的。

股票常用嘅免費資源

15年嘅功力，歸納出係市場或者生活都必須要有思考，判斷，耐性，把握力，分析力，洞察力，反醒修正，量力而為，現金流，必須回顧過去歷史循環，每個人都有值得學習嘅地方，如何不受影響？以下數據有無用？會用而不用，完全係兩件事，從不想做有影響力的人，喜歡免費有用嘅資源，讀者也參與提供資料好嗎？曾淵倉講佢好多免費嘅股票收息，如何做到？明白了就好應該仿效吧！

捷利交易宝 Windows版

用左好幾年了嘅畫圖軟件，用來判斷趨勢，重點係免費任你畫任你判又會自動儲存係電話處，抵

披露權益

hkex.com入面 嘅資料任你揾點樣做？揾得多自然會自覺地做。

Davia Web 嘅免費強大資料庫

網站

Investing

慣用Aastocks

單一股票買賣盤數據

股票pdf.書籍 下載點

慣睇嘅Blogger已顯示

不日更新

恒生指數8月份能創出1個月新高嗎？

28756係8月開市位，7月最高位係29083,今次可以走幾高？酒田戰法又可以點用？每月睇的月燭長度，要升破7月高點才有能力入6月嘅燭身，而其他指標係協助最快嘅陰陽燭的，總之8月未完乜野都有可能發生，其實保力加嘅十年圖已經係十年高位，以頂同中線講都係高位向上咁點解要咁淡認為必向下呢！總之分清楚勢頭就夠。明又好唔明都好強積金每月供款已經連續兩個月低位買到貨，如果有睇我的觀點應該會覺得我係站係錢嘅立場去判斷的。

港鐵66嘅巨大危機（更新）

https://www.facebook.com/559986457412260/posts/1792928950784665/
其實指標已經講左佢要跌，今次高鐵造假危機可以跌到趴街嗎？(希望)$35見到(一間不滅嘅壟斷企業，車資利潤保證，商店租賃，廣告，上蓋物業嘅分成，商場嘅分成，指定嘅維修商，八達通等等)

以下叫月圖數據判斷，已出死亡交叉，目測橫行中新跌勢可能已形成，港鐵有1000億嘅欠款的，今次債主會借題發揮嗎？
http://www2.hkej.com/landing/mobArticle2/id/1242229
今日有業績，一留錢減派息就會被基金再炸落。請列入觀察名單吧！個人嘅建議就係耐性地等月macd 到0才或者穿36才開始做月供或每個月嘅新低才買。（先發文後更新）請耐性地等。
事件嚴重左
土瓜灣和會展嘅沉降（後續），其實要寫嘅野就好似趨勢一樣，其實好多事係不透明的，點解會知？公衆真係有知情權嗎？
廢話完想講乜？
土瓜灣係嚴重到樓宇結構有問題（未完全證實的），卡達咁大個人總會明白點解銀娛27曾經落到$19，點解石油同炭會咁唔值錢，咁趨勢線又咁巧合向下呢？總之後果嚴重請勿胡亂入貨。後續……

游泳教練的價值？

影片中嘅小主今年5歲了，卡達係一位持有証書嘅游泳教練，2004教到2016都有12年了，淨係睇就識叫人點改了，點解？康文署一班學員20人，就像街症一樣見得多教得多自然乜人用乜方法，最重要都係要落時間去練去感受，自學得嗎？當然可以，但學壞在前修正在後，所以好多人願意出錢請教練吧！

又想講乜？感恩落了時間去小孩子身上，玩在5個月就會有自救式，咩叫識游水？當然幾深水都好頭係水上面就算識了。

擁有一定能力一定程度嘅財富，要知足的，再不須要胡亂出賣時間了。（會慢慢地更改呢篇文）

身體位置上身背部

長期游樂增強水感

閉氣必要的，泳鏡最好有

（看清水底情況，同保護眼睛）

知識就係力量，良師好重要的（省時省重複犯錯點），當然今天的我只為分享知識才寫下過往的經歷，無錢當然要努力鑽研，合資格嘅証明只係一種市場價格。

世界得把口加意見指揮嘅人多的是，有幸遇到金口良師係一種福氣。書本知識實踐把握自己人生吧！

個人嘅網記 有廣告收益了

雪球中好難有收益，其實對於寫文有收益要到$800才會有，我會做到仿效70兄80女主人，所有收益必定用作慈善用途，會完善自己做到一個可以助人自助嘅人生。

對呢位人兄嘅評價應該有墨水吧！有微信群，有號碼學習嘅，記住只可以學習不能亂參與買入的。而佢就好喜歡踩低通渠大師，話看透市場看似唔會輸!都係一句人數太多嘅號碼係會被炸的最新係6816要約1.317，個人見雪球講到$5/以上，真係要約完先講吧！點樣可以不敗？似一衆blogger 咁有自動收益就最好。點做？努力擁有有收益的東西！

能夠建立一個記錄留下一點歷史回顧，個人認為係必要的，人生要勤力，必定有回報係事實，聰明的人不再浪費時間去嘗試他人的失敗，所以書必要多才會有避險嘅分析（唔代表理性能做得到），如何令自己成功呢？股票好多過去數據例子的，應該又多左人明逃頂抄底吧（保力加通道（日週月））點判要感受下係乜市況。

曾經寫自己已行4牛3熊到4牛4熊，財富已積累到可以辭工，以現狀講40歲月入2萬到65退休，加通賬強積金應該揾到1千萬吧！個人可能計死數，人工職業可以變，如果可以提前得到應該早點達成，點發跡就只係把握到2008，2017嘅股票牛市，把握到09，10嘅熊市樓！大家要有等待嘅心態，把握力的，如果有70兄嘅學歷智慧賺錢能力更加輕鬆自如。

其實每個人的風格都唔同，夠唔夠好難用一個數去講，總之大家不求人就已經好高水平了。